Back السلالة المقدونية Arabic Македонская дынастыя Byelorussian Македонска династия Bulgarian Dinastia macedònia Catalan Makedonská dynastie (Byzanc) Czech Makedonische Dynastie German Δυναστεία των Μακεδόνων Greek Macedonian dynasty English Makedonia dinastio Esperanto Dinastía macedonia Spanish
Die makedonischi Dünastii isch d Familie vo de byzantinische Kaiser vom Basileios I. Makedon (867–886) bis zu dr Theodora III. († 1056). Dr Naame vo dr Dünastii isch e geographischi und nit en ethnischi Bezäichnig gsi.
Dr Stammvater Basileios I. het zun ere armenisch-griechische Familie ghöört, wo sich im byzantinische Thema Makedonie niidergloo het. As Chind het er e Zitlang z Bulgarie gläbt mit sinere Familie, wo sit 813 Gefangeni vom bulgarische Khan Krum gsi si. Dr Basileios het chönne flüchte, isch Stallchnächt bim ene Verwandte vom Bardas, em Unggle vom Kaiser Michael III. worde, und isch denn as Verdraute vom Kaiser zur Macht ufgstiige. 867 het er dr Michael ermordet und isch sälber Kaiser worde.
D Familie isch im Joor 1056 mit dr Kaiserin Theodora III. usgstorbe. Si het churz vor iirem Dood dr Michael VI., wo nid zur Familie ghöört het, zum Noochfolger bestimmt. Dä isch aber scho e Joor spööter vom Adel under em Isaak Komnenos verdrängt worde.
Kulturell het s Riich under de makedonische Kaiser e nöiji kulturelli Blüetefaase erläbt, die sogenannti makedonischi Rönessans.